Өнөөдөр Засаг даргын Тамгын газрын Иргэний танхимд ''МОНГОЛ УЛСЫН ҮНДСЭН ХУУЛЬ, ТҮҮХИЙН ТОВЧОО'' сэдвээр иргэдэд сургалт зохион байгууллаа. Нийтээр тэмдэглэх баяр болон тэмдэглэлт өдрүүдийн тухай хуулинд жил бүрийн 01 дүгээр сарын 13-ны өдрийг Үндсэн хуулийн өдөр болгон улс орон даяар тэмдэглэн өнгөрүүлдэг билээ. Сумын Засаг даргын Тамгын газраас Ардчилсан шинэ үндсэн хууль батлагдсаны 26 жилийн ойг тэмдэглэн өнгөрүүлэх ажлын төлөвлөгөө гарган энэ сарын 12-нд Рашаант тосгонд Үндсэн хуулийг сурталчилан сурталчилгааны материал, ханын сонин гарган иргэдэд танилцуулж иргэдийн дунд "Асуулт, хариулт, Асуулт" танин мэдэхүйн тэмцээн зохион байгуулж 3 байр эзлүүлэн мөнгөн шагналаар шагнаж урамшууллаа.
Мөн Орхонтуулын мэдээ сонины шинэ оны анхны дугаарыг Үндсэн хуулийн өдөрт зориулан гаргахаас гадна хууль эрх зүйн сургалтанд хамрагдах иргэдийн идэвх оролцоог сайжруулах зорилгоор өнөөдрийн сургалтанд оролцсон иргэдийг ярианы 1000 нэгжээр урамшууллаа. Үндсэн хуулийн өдрийг тэмдэглэн өнгөрүүлэх ажил энэ 7 хоногт үргэлжилж Баянцогт 2-р багийн аварга шалгаруулах Шатрын тэмцээн зохион байгуулагдах юм.
МОНГОЛ УЛСЫН ҮНДСЭН ХУУЛЬ ТҮҮХИЙН ТОВЧОО-с
Анхдугаар Үндсэн хууль 6 бүлэг, 50 зүйлтэй ба 1931 оны хоёрдугаар сарын 14-ний өдрийн БНМАУ-ын 24 дүгээр Бага Хурлаас гаргасан тогтоолоор 1924 онд батлагдсан анхдугаар Үндсэн хуулийн 11 ба 34 дүгээр зүйлд нэмэлт, өөрчлөлт оруулсан байна. Тодруулбал, Улсын Бага Хурлын эрх хэмжээ болон сонгуулийн эрхийн хүрээнд өөрчлөлт оруулсан юм.
Энэхүү Үндсэн хууль 10 бүлэг, 94 зүйлтэй. 1960 оны БНМАУ-ын Үндсэн хуульд 16 удаа нэмэлт, өөрчлөлт оруулсан юм. Тухайлбал, Ардын Их Хурлын IX удаагийн III чуулганаар /1978.12.26/ БНМАУ-ын Үндсэн хуулийн 19 дүгээр зүйлд оруулсан нэмэлт, өөрчлөлтөд:“БНМАУ-д гагцхүү Бүгд Найрамдах Монгол Ард Улсын Ардын Их Хурал хууль тогтоох эрхтэй байна.
Монгол Улсын дөрөвдүгээр Үндсэн хууль нь 1992 оны нэгдүгээр сарын 13-нд Бүгд Найрамдах Монгол Ард Улсын Ардын Их Хурлаар батлагдаж, тухайн оныхоо хоёрдугаар сарын 12-ны өдрөөс эхлэн дагаж мөрджээ. Энэхүү Үндсэн хууль оршил, 6 бүлэг, 70 зүйлтэй. Эдүгээ мөрдөгдөж буй Үндсэн хуульд 2000 оны 12 дугаар сарын 14-ний өдөр нэмэлт, өөрчлөлт оруулсан юм. Тухайлбал, Хорин хоёрдугаар зүйлийн 2 дахь хэсэгт: “Үндсэн хуульд өөрөөр заагаагүй бол Монгол Улсын Ерөнхий сайдыг томилох саналыг Улсын Их Хуралд өргөн мэдүүлснээс хойш дөчин тав хоногийн дотор Улсын Их Хурал хэлэлцэн шийдвэрлэж чадаагүй бол өөрөө тарах буюу эсхүл Монгол Улсын Ерөнхийлөгч Улсын Их Хурлыг тараах тухай шийдвэр гаргана.” гэсэн заалт нэмсэн байна.
Tweet