Өхөөрдөм үрсийн баясгалантай инээдэнд хорвоо дэлхий баясан цэнгэсэн, үлэмж ачит ээжийн бүүвэйнд буурал дэлхий уяран хайлсан нарлаг зуны энэ өдөр тохиож байгаа Олон Улсын “Хүүхдийн эрхийг хамгаалах өдөр”-ийн баярын мэндийг өнө эртний түүхтэй хөх Монголынхоо үзэсгэлэнт ээжүүд, энхрий үрсэд хүргэхийн хамт нарт дэлхийг уяраан нялхруулах бүүвэйн дуу мөнхөд эгшиглэж, хөөрхөн үрсийн баясгалант инээд хэзээ ч тасрахгүй үргэлжилж байгаасай гэсэн сайхан ерөөлын хамт дэвшүүлье. Улсын Онцгой комиссын Дэлхий даяар тархсан Коронавируст цар тахал буюу /Ковид-19/ -ын халдварын улмаас улс орон даяар гамшгаас хамгаалах өндөржүүлсэн бэлэн байдлын хугацааг 2020 оны 06-р сарын 30-ыг хүртэл сунгасантай холбогдуулан Олон Улсын “Хүүхдийн эрхийг хамгаалах өдөр” болон “Алдарт эх”-ийн одонг Засаг Захиргааны аль ч нэгж удирдлага биечлэн гардуулахгүй байх шийдвэр гарсан тул Сумын иргэд, Аж ахуйн нэгж, байгууллага хамт олноор цугларахгүй байж Гэр бүлийн хүрээнд тэмдэглэн өнгөрүүлэхийг уриалж байна.
Орхонтуул ЗДТГ
Tweet