Сумын "Хэрэглэгчийн эрхийг хамгаалах орон тооны бус зөвлөл"-өөс хүнсний дэлгүүр, мухлагуудад зөвлөмж хүргүүллээ. Өнөөдрийн байдлаар манай суманд тогтмол үйл ажиллагаа явуулж байгаа хүнсний дэлгүүр-6, мухлаг-5 ажиллаж байна. Зөвлөмжид хүнсний бүтээгдэхүүний хадгалах горим, хугацааг тогтмол шалгаж эрүүл ахуй, ариун цэврийн чанар стандартыг хангах, эрүүл мэндийн үзлэгт ажилчдаа хамруулж үйлчилгээний стандартыг мөрдөх, гадна талдаа хогийн сав тогтмол байрлуулж Хог хаягдлын тухай хуулийн хэрэгжилтийг хангаж 50 м хүртэлх талбайд их цэвэрлэгээ хийж хэвших, гадна талын өнгө үзэмж, хаягжилтаа сайжруулан сумынхаа тохижилт, соёлжилтын ажилд хувь нэмрээ оруулах болон НӨАТ-н баримт олгох зориулалтын төхөөрөмжтэй болох зэрэг асуудлыг дурдсан байна.
Tweet