ЦАСАН БОЛОН ШОРООН ШУУРГА ШУУРНА
Дохио !!! Цаг агаарын аюултай үзэгдлээс
сэрэмжлүүлэх мэдээ:
Маргааш өдөр салхи баруун хойноос секундэд 8-13 метр хүрч цасан шуурга шуурна.
2022 оны 3 дугаар сарын 10-ны 20 цагаас 3 дугаар сарын 11-ний 20 цаг хүртэлх цаг агаарын урьдчилсан мэдээ
СЭЛЭНГЭ АЙМГИЙН НУТГААР: Үүлшинэ. Шөнөдөө цас орохгүй, өдөртөө цас орж, цасан шуурга шуурна. Салхи баруун хойноос секундэд 8-13 метр. Шөнөдөө 8-13 градус, өдөртөө 3 градус хүйтнээс 2 градус дулаан байна.
СҮХБААТАР ХОТ ОРЧМООР: Үүлшинэ. Шөнөдөө цас орохгүй, өдөртөө цас орж, цасан шуурга шуурна. Салхи баруун хойноос секундэд 8-13 метр. Шөнөдөө 9-11 градус, өдөртөө 0-2 градус хүйтэн байна.
2022 оны 3 дугаар сарын 12-ноос 2022 оны 3 дугаар сарын 16-ныг хүртэлх 5 хоногийн цаг агаарын урьдчилсан мэдээ
13,14-нд ихэнх сумдын нутгаар, 12-нд зарим газраар цас орж цасан болон шороон шуурга шуурна. Бусад хугацаанд цас орохгүй. Салхи 11, 13-нд ширүүсч баруунаас секундэд 8-13 метр, зарим үед түр зуур ширүүсч секундэд 13-18 метр. Бусад хугацаанд секундэд 4-9 метр байна. Агаарын температур шөнөдөө 9-14 градус хүйтэн, өдөртөө 3 градус хүйтнээс 2 градус дулаан байна. 14-нөөс нийт нутгаар хүйтэрнэ.
Иймд цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах,
- Тээврийн хэрэгслийн жолооч нар хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих,
- Иргэд, малчид болзошгүй эрсдэлээс урьдчилан сэргийлж, цасан шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байхыг Онцгой байдлын газраас анхааруулж байна.